नेवा: अनलाइन न्युज | २०८० आश्विन २, मंगलबार १५:१५:५४

लुँ सिखः लुटपाट याःगु द्वपनय् प्रहरीं प्यम्हेसित गिरफ्तार याःगु दु ।

गिरफ्तारीइ लाःपिं येँया बाजबजाःया सुरज गुरुङ, वीरगञ्ज छेँ जुयाः क्षेत्रपाटीइ च्वनाच्वंम्ह अनवर हुसेन अन्सारी व भारतीय नागरिकपिं शक्ति भौमिक व सचिन गाड्वे खः ।

प्रहरीया कथं गुरुङं चलेयानावःगु मोटरसाइकलय् च्वनाः अन्सारीं भाद्र २५ गते येँया कुलेश्वर च्वनीम्ह अप्सरा श्रेष्ठया ककुइ क्वखयातःगु थ्यंमथ्यं निगू तोला बराबरया लुँया लकेट लिसें सिखः लुटेयाःगु खः ।

गिरफ्तारीइ लाःम्ह भारतीय नागरिकयात धाःसा गु सिखः न्याःगु द्वपं लाःगु दु । असोज १ गते गिरफ्तारीइ लाःपिं इमिगु सम्बन्धय् थप अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध