nepal investment baink

लुँया भाः न्यासः तका थाहाँ वन

नेवा: अनलाइन न्युज – ललेन्द्र शाक्य | ने.सं. ११४४ सिल्लागा पारु

थौं आइतवाः लुँया भाः तोलाय् न्यासः तका थाहाँ वंगु दु ।

नेपाल सुनचाँदी व्यवसायी महासंघया कथं न्ह्यः दिं तोलाया १ लख १८ हजार तकां लुँ कारोवार जूगु खः ।

आइतवाः धाःसा तोलाया १ लख १८ हजार ५ सय तका थ्यंगु महासंघं जानकारी ब्यूगु दु ।

विगत झिन्हुया दुने लुँया भावय् २ हजार तका थाहाँ वनेधुंकूगु दु । फागुन ३ गते लुँया मू तोलाया १ लख १६ हजार ५ सय तका जूगु खः ।

अथेहे, वहःया मू नं तोलाय् न्यातका दां थाहाँ वंगु दु । न्ह्यःया दिं तोलाया १ हजार ३ सय ९५ तका जूगु वहः तोलाया १ हजार ४ सय तका जूगु महासंघं जानकारी ब्यूगु दु ।

Categorized in बजाः