nepal investment baink

लुँया भाः थौं बुधवाः नं थाहाँ वन, न्हूगु रेकर्ड !

नेवा: अनलाइन न्युज – ललेन्द्र शाक्य | ने.सं. ११४४ चिल्लागा नवमि (२०८० चैत्र २१ गते) बुधवाः

अन्तर्राष्ट्रिय बजारय् हे लुँया मूपाखें उचाइ कयाच्वंगु इलय् नेपाःया बजारय् छगू धुंकाः मेगु न्हून्हूगु रेकर्ड कायम जुजुं वनाच्वंगु दु ।

म्हिगः मंगलवाः सामान्य क्वाहाँ वःगु लुँया मूनं थौं बुधवाः हाकनं न्हूगु रेकर्ड दयेकूगु दु ।

थौं बुधवाः नेपाःया बजारय् लुँ तोलाया १ लख ३३ हजार तका दां थ्यंगु दु । गुगु मू न्ह्यःया दिंया तुलनाय् १ हजार ८ सय तका अप्वः खः ।

थ्वसिबें न्ह्यः आइतवाः लुँया मू नं १ लख ३० हजारया उच्चतम रेकर्ड दयेकूगु खःसा सोमवाः हाकनं १ लख ३१ हजार ६ सय तका दां थ्यंगु खः ।

मंगलवाः प्यसः तकां क्वाहाँ वयाः १ लख ३१ हजार २ सयस क्वाहाँ वःसां नं थौं बुधवाः हाकनं १ हजार ८ सय तका थाहाँ वनाः न्हूगु रेकर्ड कायम याःगु दु ।

Categorized in बजाः