nepal investment baink

लुँया भाः, छन्हुं हे निद्वः तका थाहाँ वन

नेवा: अनलाइन न्युज – ललेन्द्र शाक्य | ने.सं. ११४४ सिल्लागा अस्तमि (२०८० फागुन २० गते)

थौं आइतवाः छन्हुं हे लुँया भाः तोलाय् निद्वः तका थाहाँ वंगु दु ।

नेपाल सुनचाँदी व्यवसायी महासंघया कथं न्ह्यःया कारोवार दिं तोलाया १ लख १९ हजार तका जूगु लुँ थौं आइतवाः १ लख २१ हजार थ्यंगु दु ।

अन्तर्राष्ट्रिय बजाःया कारोवारय् शुक्रवाः मू उच्च दरय् थाहाँ वंबलय् आइतवाः नेपाली बजारय् लिच्वः लाःगु महासंघं जानकारी ब्यूगु दु ।

शनिवाः सार्वजनिक वदा जूगुलिं उगु दिं लुँया मू समायोजन याइमखु । विगत छुं दिंनिसें लुँया मू थाहाँ वनाच्वंगु दु ।

फागुन ३ गते नेपाली बजारय् लुँया मू तोलाया १ लख १६ हजार ५ सय तका जूगु खः ।

अथेहे, वहःया मू नं थौं आइतवाः तोलाय् नीतका दां थाहाँ वंगु दु । न्ह्यःया कारोवार दिं तोलाया १ हजार ३ सय ९० तका जूगु वहः थौं आइतवाः १ हजार ४ सय १० तका कायम जूगु दु ।

Categorized in बजाः