nepal investment baink

लुँया असर्फी व वहःया मोहः न्याइपिनिगु भीड

नेवा: अनलाइन न्युज – ललेन्द्र शाक्य | २०८० कार्तिक १९, आइतबार १५:००:२०

नेपाल राष्ट्र बैंकं स्वन्ति नखःया लसताय् लुँया असर्फी व मेडालियन (वहःया मोहः) मिइगु ज्या न्ह्याकूगु दु । बैंकं सर्वसाधारण उपभोक्ताया नितिं थौं आइतवाःनिसें मिइगु ज्या खुल्ला याःगु खः ।

राष्ट्र बैंकं १० ग्राम, ५ ग्राम व २.५ ग्राम लुँया असर्फी मोहः मिइगु ज्या न्ह्याकूगु खः । लुँया मोह १० ग्रामया बजाः मू १ लख २ हजार ३ सय ६५ तका क्वःछ्यूगु दु ।

अथेहे, ५ ग्रामया ५१ हजार ३ सय ८३ तका व २.५ ग्रामया मोहया मू २५ हजार ५ सय ९२ तका क्वःछ्यूगु दु ।

थ्वहे झ्वलय् बैंकं वहःया मोहः धाःसा २५ ग्राम, १०÷१० ग्रामया सा, लक्ष्मी द्यः व गणेद्यः अंकित मोह मिइगु ज्या याःगु दु । २५ ग्राम वहःया मोहया मू ४ हजार तका व १० ग्राम मोहःया मू १ हजार ६ सय तका क्वःछ्यूगु दु ।

मिइगु ज्या खुल्ला जूगु न्हापांगु दिं थौं आइतवाः लुँ वहःया मोह न्याइपिनिगु भीड अप्वःगु दु ।

Categorized in बजाः