coved ad

लिभिङ टुगेदरय् च्वनाः वयाच्वंपिं मिजं–मिसा सिनाच्वंगु अवस्थाय् लुल

नेवा: अनलाइन न्युज – ललेन्द्र शाक्य | २०७८ पौष २३, शुक्रबार ११:४६:३८

येँ महानगरपालिका ६ वडाया फैंकय् च्वंगु छखा छेँय् मिजं–मिसाया सीम्ह लुयावःगु दु ।

संखुवासभा छेँ जुयाः फैंकय् च्वनाः वयाच्वंपिं २५ दँया अनिश जिमी व खोटाङया युसुना राई सिनाच्वंगु अवस्थाय् लुयावःगु खः । इपिं लिभिङ टुगेदर च्वनाः वयाच्वंपिं खः । युसुनाया हत्या ज्वःगु ल्वाभःपाखें जूगु अनुसन्धानपाखें सीदूगु दु ।

युसुनाया सीम्ह लिक्क हे अनिश बेहोश जुयाच्वंगु अवस्थाय् लुयावःगु खः । अनिश चाःबहीली च्वंगु हेल्पिङ ह्याण्ड अस्पतालय् सीगु खः । घटनास्थलं प्रहरीं ल्वाभःतकं लुइकूगु दु ।

मिजं नं मिसाया हत्या यायेधुंकाः आत्महत्या याःगु जुइफूगु प्रारम्भिक अनुसन्धानपाखें सीदूगु दु । सीम्ह पोष्टमार्टमया नितिं शिक्षण अस्पताल यंकूगु दु । घटनाबारे थप अनुसन्धानपाखें सीदइगु प्रहरीं जानकारी ब्यूगु दु ।

Categorized in दुर्घटना-अपराध