nepal investment baink

लप्सीफेदीइ प्रहरी पोष्ट तःवपिं सुरक्षाकर्मीयात ढुंगामुढा यापिं १४ म्ह प्रहरी नियन्त्रणय्

नेवा: अनलाइन न्युज | २०८० मङ्सिर २, शनिबार १३:३९:२८

येँया शंखरापुर नगरपालिका–३ लप्सीफेदीइ निर्माण जुइत्यंगु विद्युत् सबस्टेशनया सुरक्षाया नितिं प्रहरी पोष्ट तःवपिं सुरक्षाकर्मीयात ढुंगामुढा यानाः १४ म्ह प्रहरी नियन्त्रणय् काःगु दु ।

लप्सीफेदी क्षेत्रया सुरक्षाया नितिं प्रहरी पोष्ट तःगु सरकारं निर्णय कथं शुक्रवाः बहनिं प्रहरी पोष्ट स्थापना यायेत वःपिं प्रहरीयात स्थानीय ढुंगामुढा याःगु खः । आक्रमणय् लानाः प्रहरी घाःपा जुगु खः ।

जिल्ला प्रहरी परिसर काठमाडौंया प्रवक्ता प्रहरी उपरीक्षक कुमोध ढुंगेलका अनुसार प्रहरीमाथि आक्रमण याःपिं ४ म्ह शुक्रवाः नियन्त्रणय् काःगु खः । थौं सुथय् थप १० म्ह नियन्त्रणय् काःगु खः ।

Categorized in स्थानिय-समाज