zero media family planning adv

लत्याया तिथिसं - लः छपासः जिगु छन्त अणु

 जनकवि दुर्गालाल श्रेष्ठ

 

खः जिं चाय्कं हे मच्वया खः

छन्त कयाः श्रीकृष्ण अणु

च्वयां ब्वनीपिं ख्वयां न्यनीपिं

मखना थन जिं सुं दु मनू । 

 

ल्वहँतय् जक हे ख्वबि हाय्कूसां

जुल ज्वीमाः व अवश्य पुखू

तर थन नुगलय् ग्वःगु सुयां नं

चाःगु छतिं मखु गय् व चुकू ?

 

म्वाना जक हे सित खःसां नं

गय् छ तरे ज्वी श्रीकृष्ण

थुपिं थुपिं म्वाः थें जक च्वंपिं

अगति समाजं थीकं नं ।

 

खः निश्चय नं देय् भज्यन खः

तर गबलें नं मन्त मखु

मन्त छ खःसां छंगु म्हगसया

मखु थ्व खहे मखु, अन्त मखु । 

 

हिरोसिमाया बँय् नं हानं

ह्वइ हे वल सा उलि हं स्वां

ज्वी नेपाः नं नेपाः हे ज्वी

छंगु म्हगसया भिंगु पुसां ।