zero media family planning adv

लता मंगेशकर आईसीयू दुने

नेवा: अनलाइन न्युज | २०७६ कार्तिक २६, मंगलबार १६:३३:५३

संसारन्यंकं नांजाःम्ह भारतया म्येहालामिया सर्वश्रेष्ठ गायिकाया सम्मान कयातःम्ह लता मंगेशकर तच्वकं विरामी जूगु दु ।  भारतया मुम्बईया ब्रीच केन्डी अस्पतालय् आईसीयूस तयाः लता मंगेशकरया वासः जुयाच्वंगु दु ।

छातीइ भाइरल इन्फेक्सनया समस्या खनेदयेधुंकाः सोमवाः न्हिनय् लतायात अस्पताल यंकूगु खः । लताया पाखें अनुसा श्रीनिवासनं जारी याःगु विज्ञप्तिइ धयातःगु दु, “लता मंगेशकरया उमेरया ख्याल यासें अस्पतालय् भनाृ याःगु दु व स्वास्थ्य स्थिर दु ।”

बुखँ एजेन्सी पीटीआई नं स्रोतयात उदृत यासें च्वःगु कथं ९० दँया लता मंगेशकर आईसीयूस दु व स्वास्थ्य गम्भीर जू ।

भारत रत्न, दादा साहब फाल्के थेंजाःगु सम्मानपाखें सम्मानित लता मंगेशकर भारतीय सिनेमा जगतया सर्वश्रेष्ठ गायिका कथं कायेगु याः । लतां आपालं नेपाली म्ये नं हालादीगु दु ।

Categorized in अन्तर्राष्ट्रिय