zero media family planning adv

लण्डनय् वायु प्रदुषणं ९,५०० मनूत सीत

नेवा: अनलाइन न्युज | २०७२ भाद्र ८, मंगलबार ११:५१:४६

भारतया थीथी थासय् व खास याना दिल्लीई वायु प्रदुषणं गम्भीर रुप काये धुंकूगु खँ भारतया पर्यावरण व वन मन्त्री प्रकाश जावेडकरं धयादीगु दु ।
अथेहे मन्त्री जावेडकरं विश्वया ततःधंगु शहरय् अप्वयाच्वंगु प्रदुषण नं अतिकं खतरनाक जुयाच्वंगु दु धासें भारत सरकारं याकनं हे समस्याया समाधान याइ धकाः धयादीगु दु ।
मन्त्री जावेडकरं धयादिल कि, “आः नकतिनि छगू रिपोर्टपाखें सीदूगु दु कि लिपांगु दँय् लण्डनय् वायु प्रदुषणया थीथी हुनिं ९,५०० म्ह मनूत सीगु दु । अथेहे यूरोपय् ओजोन प्रदुषण, नेवाडाय् धूल प्रदुषण व अमेरिकाया क्यालिफोर्निया शहरय् तकं प्रदुषण अप्वयाच्वंगु दु ।”
वय्कलं धयादीगु दु कि आः नकतिनि जक सरकार पर्यावरण सम्बन्धी धिसिलाःगु नियम ज्वना अनुसन्धान यायेत तयारी यानाच्वंगु दु ।