zero media family planning adv

लण्डनया नितिं म्यानमारया राजदूतयात राजदूतावासय् दुमकाल

नेवा: अनलाइन न्युज – ललेन्द्र शाक्य | २०७७ चैत्र २६, बिहिबार १५:०२:१९

लण्डनया नितिं म्यानमारया राजदूतं थःत राजदूतावासय् दुमकाःगु धाःगु दु । क्व जो मीनं सैनिक सहचारीं कर्मचारीपिन्त राजदूतावासं पिहाँ वनेत निर्देशन ब्यूगु व थःत वं आः देसया प्रतिनिधि मजूगु जानकारी ब्यूगु धाःगु दु ।

समाचार संस्था रोएटर्सलिसे खा ल्हासें लण्डनय् च्वंगु म्यानमारया राजदूतं थःत राजदूतावास दुमकाःगु जानकारी ब्यूगु खः । म्यान्मारय् सेनां माघ १९ गते देसया शासनसत्ता थःगु ल्हाःतय् काःगु खः । वधुंकाः अन विरोध प्रदर्शन जुयाच्वंगु दु ।

म्यान्मारय् प्रजातान्त्रिक नेतृत्वयात सत्ता हस्तान्तरण यायेत दबाब बिइगु नितिं ग्वसाः ग्वःगु प्रदर्शनय् ५०० म्ह सिबें अप्वः सर्वसाधारणपिन्सं ज्यान गुमेयाये धुंकूगु दु । उपिंमध्ये दर्जनौं मचात नं लाःगु दु ।

Categorized in अन्तर्राष्ट्रिय