zero media family planning adv

लकडाउन, वाध्य जुयाः ठप्प यायेगु अवस्था वइ : प्रधानमन्त्री ओली

नेवा: अनलाइन न्युज – ललेन्द्र शाक्य | २०७७ चैत्र २६, बिहिबार १५:४५:४५

लकडाउनया सम्भावना क्यन प्रधानमन्त्री ओलीं

प्रधानमन्त्री केपी शर्मा ओलीं लकडाउनया सम्भावना क्यंगु दु । बिहिवाः येँय् ग्वसाः ग्वःगु नेपाल चेम्बर अफ कमर्शया ७० क्वःगु वार्षिक साधारण सभाय् न्वःवासें प्रधानमन्त्री ओलीं वाध्य जुयाः देस हे ठप्प यायेगु अवस्था वयेफूगु धाःगु खः ।

ओलीं धाःगु दु, वाध्य जुयाः ठप्प यायेगु अवस्था वइ, कोरोना भाइरसया जोखिम अप्वःगुलिं सावधानी छ्यलेमाः, कोरोना भाइरसयात छुं नं मौका बिइम्वाःगु अवस्थाय् थ्यंगु दु ।

भारतय् कोरोना भाइरसया संक्रमण भयावह जुजुं वनाच्वंगुलिं नेपालय् नं उज्वःगु खतरा अप्वयेके मबिइत सचेतना छ्यलेत आग्रह याःगु दु । ओलीं धाःगु दु, सीमा खुल्ला दु, भयाव अवस्था जुइफु, उकिं सावधानी छ्यले हे माः ।

लिपांगु ई कोरोना भाइरसया संक्रमण अप्वयाः वनेधुंकाः स्वास्थ्य मन्त्रालयं सचेतना छ्यलेत सुचं सार्वजनिक यानाच्वंगु इलय् प्रधानमन्त्र िओलीया लिपांगु धापू सार्वजनिक जूगु खः ।

Categorized in राजनीति