zero media family planning adv

लकडाउनबारे सरकार मौन, कर्मचारी सरुवा व पदस्थापनय् ध्यान !

नेवा: अनलाइन न्युज – ललेन्द्र शाक्य | २०७७ जेठ २३, शुक्रबार १०:३५:३६

म्हिगः बिहिवाः सनिलय् बालुवाटारय् च्वंगु मन्त्रिपरिषद् बैठकं लकडाउनयात छ्वासुकेगु मोडालिटी तयार यायेगु सरकारी दाबी खः । तर, बैठकं लकडाउनबारे छुं नं निर्णय मयात, बरु सुं सुं कर्मचारीपिनिगु सरुवा व पदस्थापनपाखे सरकारया ध्यान वन ।

बिहिवाःया क्याबिनेटं लकडाउनया मोडालिटी तय यायेगु अपेक्षा याःगुया ल्यूने छुं छुं आधारत दूगु खः ।

छगू, सरकारं न्हापांगु क्याबिनेटपाखें जेग ३२ गतेतक लकडाउन ताःहाकः यायेगु निर्णय याःबलय् उकिया मोडालिटी तय यायेगु उधारो निर्णय याःगु खः ।

निगू, लकडाउनया म्याद जेठ ३२ तक थ्यंकेधुंकाः व कोरोना संक्रमितपिनिगु ल्याः २६०० पुलेधुंकूगु अवस्थाय् स्वास्थ्य मन्त्रालयं स्वास्थ्य संकटकाल लगेयायेगु निर्णय याःगु खः, गुकिया बारे क्याबिनेटं लिपांगु निर्णय यायेमाःगु खः ।

स्वंगू, लकडाउनया हुनिं असैह्य जूगु धासें चिचीधंगु ब्यवसायी ब्यापारीपिन्सं स्वनिगः लिसेंया सहरय् बिहिवाःनिसें पसः चायेकेगु एकतर्फी निर्णय यानाः सरकारयात बुधवाःनिसें हे दबाब ब्यूगु खः । व, थुकियाबारे बिहिवाः स्वनिगःया स्वंगुलिं जिल्लाया सिडिओपिनिगु बैठक च्वंगु खः । लिसें हेटौंडा लिसेंया सहरय् प्रहरी व स्थानीय व्यवसायीदथुइ नोंक–झोंक नं जुइगु सुरु जूगु खः ।
प्यंगू, प्रधानमन्त्री केपी शर्मा ओलीं बुधवाः बालुवाटारय् अर्थ व स्वास्थ्य क्षेत्रय् थ्यंमथ्यं २० म्ह विज्ञपिन्त सःताः लकडाउनया मोडालिटीबारे परामर्श याःगु खः ।

च्वय् न्ह्यथनागु प्यंगू परिघटनाया हुनिं बिहिवाःया क्याबिनेटं लकडाउनया मोडालिटीबारे पक्कै नं ठोस निर्णय याइगु अपेक्षा सरकारया हे सुं सुं मन्त्रीपिं व आम व्यवसायीपिन्सं याःगु खः ।

तर, बिहिवाःया मन्त्रि परिषद बैठक. लकडाउनया मोडालिटीबारे छुं निर्णय मयाःगु छम्ह मन्त्रीं जानकारी ब्यूगु दु ।

सरकारया प्रवक्ता व अर्थ लिसें संचारमन्त्री डा. युवराज खतिवडां नं मिडियायात छुं नं न्हूगु सुचं मबिल । मन्त्री खतिवडां पत्रकारपिन्त थुलि जक धाःगु दु कि थौं छिकपिन्त धायेमाःगु छुं मदु, गुगु निर्णय जूगु दु, नियमित प्रक्रियापाखें सीकेफइ ।

आःया लकडाउनया मोडेल छु जुइ धैगु न्ह्यसलय् छम्ह मन्त्रीं धाःगु दु, ‘उच्चस्तरीय समितिं थुकिया मोडालिटी दयेकेगु निर्णय थ्वसिबें न्ह्यः हे जुइधुंकूगु दु । बिहिवाःया बैठकय् थुकियाबारे सहलह हे मजुल ।’

Categorized in राजनीति