kmc bidya

रोल्पाय् बम मुल, प्यम्ह मचात सित

नेवा: अनलाइन न्युज – ललेन्द्र शाक्य | २०७७ बैशाख १९, शुक्रबार ०९:२८:४१

रोल्पाया त्रिवेणी गाउँपालिका ७ य् बेवारिसे अवस्थाय् तयातःगु बम मुयाः प्यम्ह मचात सीगु दु ।

प्रदेश ५ प्रहरी ज्याकुथिया डिएसपी नवराज पोखरेलं घटनास्थलय् रोल्पाया होलेरीव जुँगारं प्रहरी पुचः छ्वयाः उद्धार याःगु जानकारी ब्यूगु दु ।

डिएसपी पोखरेलया कथं बेवारिसे बम म्हितूगु इलय् मुयाः मचात सीगु धाःगु दु ।

गाउँपालिका नायः शान्तकुमार ओलीं च्वलेचा झ्वयाः छेँय् लिहाँ वयाच्वंपिं मचात बम विस्फोटय् लाःगु धाःगु दु ।

बम विस्फोट जूबलय् रोल्पाया त्रिवेणी गाउँपालिका ७ च्वनीम्ह १४ दँया नोखिराम डाँगी, ११ दँया विमला खत्री, ५ दँया विजय खत्री व १३ दँया गौरव नेपाली सीगु खः ।

बिहिवाः सनिलय् रोल्पाया जुँगारं प्रहरी सहायक निरीक्षकया पुचः घटनास्थलय् थ्यंकाः उद्धार याःगु खः ।

Categorized in दुर्घटना-अपराध