ब्रेकिंग

  • निषेधाज्ञा ::: स्वनिगलय् श्रावण २७ गतेतक निषेधाज्ञा थप ।
zero media family planning adv

रोनाल्डो : युरोकपया सर्वाधिक गोककर्ता

नेवा: अनलाइन न्युज – ललेन्द्र शाक्य | २०७८ आषाढ २८, सोमबार १२:१२:१२

पोर्चुगलया क्रिस्टियानो रोनाल्डो युरोकप २०२० या सर्वाधिक गोलकर्ता जूगु दु । 

आइतवाः चान्हय् क्वचाःगु युरोकपय् इटली ५३ दँ लिपा च्याम्पियन जूबलय् पोर्चुगलया सुपरस्टार रोनाल्डो सर्वाधिक गोलकर्ता जूगु खः ।

साविक विजेता पोर्चुगल लिपांगु १६ पाखें हे पिहाँ वंसां नं रोनाल्डो न्यागू गोललिसें गोल्डेन बुट त्याकेत ताःलाःगु खः । वं समूह चरणय् स्वंगु कासापाखें न्यागू गोल याःगु खः ।

चेक रिपब्लिकया प्याट्रिक सिकं नं रोनाल्डो समान न्यागू गोल हे याःगु खः । तर रोनाल्डों छगू असिस्ट तकं याःगुलिं व न्ह्यःने लाःगु खः ।

रोनाल्डों समूह चरणय् हंगेरी व फ्रान्सविरुद्ध २–२ व जर्मनीविरुद्ध १ गोल याःगु खः ।

अथेहे, प्यंगू गोल याःम्ह फ्रान्सया करिम बेन्जामा सर्वाधिक गोल याःगुलि स्वंगूगु थासय् लाःगु खः ।

Categorized in कासा