zero media family planning adv

रोजिनया कोरियोग्राफीइ मुम्बईलय् मोडल सुपरस्टार २ क्वचाल

नेवा: अनलाइन न्युज – ललेन्द्र शाक्य | २०७६ चैत्र ७, शुक्रबार १५:१२:३८

आः नकतिनि जक भारतया मुम्बईस च्वंगु अँधेरीइ मोडल सुपरस्टार २ या फाइनल कासा क्वचाःगु दु ।

नेपाली व भारतीय मोडलतय्गु सहभागिता दूगु फेसन शो शैलीइ क्वचाःगु उगु मोडल कासाय् नेपाली फेसन कोरियोग्राफर व संचारकःमि रोजिन शाक्यया संचालन व कोरियोग्राफी दुथ्याःगु खः ।

कासाय् नेपाःया रविन घिसिङ व जिनी लिम्बु पाङ्मा विजेता जूगु खः । आकृति सुवेदीं धाःसा भोटिङया आधारय् विजेताया ताज पूगु खः ।

नेपाःया हे स्मृति शाह व प्रशान्त शाह फस्ट रनरअप जूगु उगु कासाय् भारतीय मोडल सुमित आनन्द सेकेण्ड रनरअप व स्नेहा वर्मनं अर्गनाइजर च्वाइसया अवार्ड त्याकूगु खः ।

भारतीय मोडल नेहा शर्मां ट्यालेन्ट विधाया अवार्ड ल्ह्वंगु खःसा नेपाली मोडलपिं रोशन सुनाम बेष्ट वाक व रचना कार्की फोटोजेनिक अवार्डया हकदार जूगु खः ।

नेपालय् च्वंगु प्रोमोटिङ सोलुसन मोडलिङ एजेन्सीं भारतया मुम्बईस च्वंगु वन आई डेस्टिनी क्रियसनया सहकार्यस न्ह्याकूगु उगु ज्याझ्वलय् भारतीय टेलिभिजन सिरिज, वेभ सिरिज व थिएटरय् अभिनेत्रीया रुपं ज्या यानाच्वंम्ह नेपाली सुन्दरी सभ्यता गिरी शो स्टपरया रुपं उपस्थित जूगु खः ।

ज्याझ्वःयात थिीथी बलिउड हुलाप्याखं ब्वज्यां मनोरञ्जनात्मक याःगु खः । ज्याझ्वलय् नेपालय् च्वंगु सजिनाज् क्रियसन व वन्डर भाइब्स क्रियसनया थीथी आकर्षक पहिरनत न्ह्यब्वःगु खः ।

Categorized in कला