zero media family planning adv

रेम्डिसिभिर वासः अप्वः मू कयाः मिलकि कारवाही याइगु

नेवा: अनलाइन न्युज – ललेन्द्र शाक्य | २०७८ बैशाख २१, मंगलबार १०:०४:५१

औषधी व्यवस्था विभागं कोभिड १९ या ल्वगिया नितिं छ्यलीगु वासः रेम्डिसिभिर अप्वः मू कयाः म्यूगु सिलकि कारवाही याइगु जूगु दु ।

विभागया महानिर्देशक वसन्त भट्टराई नं सोमवाः सुचं जारी यासें उगु वासः अप्वः मू कयाः म्यूगु जनगुनासो वःगुलिं कारवाही यायेगु जानकारी ब्यूगु दु ।

संक्रमण ब्वलनाच्वंगु अवस्थाय् ल्वगिया नितिं छ्यलीगु रेम्डिसिभिर वासःया कृत्रिम अभाव यानाः न्यूनतम मानवीय संवेदना तकं च्यूताः मतःसे अधिकतम खुद्रा मूसिबें अप्वः मू कयाः मिइपिन्त कारवाही यायेगु विभागया महानिर्देशक बसन्त भट्टराई नं धाःगु दु ।

विभागं अधिकतम खुद्रा मूसिबें अप्वः कयाः मिइगु व न्यायेगु ज्या मयायेत व मयाकेत व क्वःछ्यूगु खुद्रा मूसिबें अप्वः मू कयाः मबिइत फुक्कसित इनाप तकं याःगु दु ।

आः संक्रमण अप्वयाच्वंगु अवस्थाय् रेम्डिसिभिर वासः अप्वः मू कयाः मियाच्वंगु लुयावःगु खः । रेम्डिसिभिरया छगू मात्राया नितिं थ्यंमथ्यं न्याद्वः तका तू ।

Categorized in बजाः