रुस–युक्रेन युद्धः छु देसया साथ सुयात ?
नेवा: अनलाइन न्युज – ललेन्द्र शाक्य | २०७८ फाल्गुण १८, बुधबार १५:३०:३१
रुसं युक्रेनय् हमला याःगु न्हयन्हुया दिं थ्यंगु दु । युक्रेनया मू शहरय् रुसं नियन्त्रण कायेगु निसें भीषण हमला यानाच्वंगु दु ।
युक्रेनया वर्तमान सत्तां छुं नं हालतय् आत्मसमर्पण मयायेगु जानकारी बिइधुंकूगु दु । युक्रेनी राष्ट्रपति भ्लादिमोर जिलेन्स्कीं अमेरिकालिसें पश्चिमा देसतपाखें ग्वाहालि मागयाःगु कथंया ग्वाहालि कायेगु न्ह्याकेधुंकूगु दु ।
रुस व युक्रेनदथुया युद्धं हलिंया शक्तिशाली देसत हे विभाजित जुइगु अवस्था जूगु दु । छु देस गुखेपाखे धैगु च्यूताः अप्वःगु दु ।
अमेरिका, बेलायत, युरोपेली युनियनया देसतय्गु लिसेलिसें जापान, अष्टे«लिया व क्यानडां युक्रेनयात साथ ब्यूगु दु । इमिसं ल्वाभः तकं छ्वयेधुंकूगु दु ।
रुसयात पूर्व सोभियत संघया बेलारुस, काजिकिस्तान, अजरबैजान लिसेंया देसया साथ दु । सिरिया, क्युबा, निकारागुवा नं रुसया पक्षय् दु ।
चीन, भारत लिसेंया एसियाया आपालं देसत तटस्थ भूमिकाय् दु । मध्यपूर्वया साउदी अरेबिया, कतार लिसेंया देस नं तटस्थ च्वंगु दु ।
दक्षिण एसियाय् नेपाः जक युक्रेनया पक्षय् दंगु दु । ल्यंदूगु देसत तटस्थ भूमिकाय् दंगु दु । नेपालंं रुसं युक्रेनयात हमला याःगुलिं खुलस्त जुयाः विरोध याःगु दु ।
युक्रेनया पक्षय् खनेदूगु देसत :
अमेरिका, बेलायत, जर्मनी, फ्रान्स, इटाली सहित यूरोपेली युनीयनका देशहरु, स्वीटजरल्यान्ड, क्यानडा, अष्ट्रेलियालिसेंया आपालं पश्चिमा देसत व जापान ।
रुसया पक्षय् दंगु देसत :
बेलारुस, आर्मेनिया, काजिकिस्तान, किर्गिजस्तान, ताजिकिस्तान, क्युबा, इरान, उत्तर कोरिया, सिरिया, भेनेजुएला, निकारागुवा ।
तटस्थ देसत :
चीन, भारत, पाकिस्तान, साउदी अरेबिया, टर्की, इजरायल, अफगानिस्तान, श्रीलंकालिसेंया हलिंया आपालं देसत लिसेलिसें हलिंया आपालं देसत ।
Categorized in अन्तर्राष्ट्रिय