1142 nhoo dan adv

रुसया कोइला खानीइ मिँ च्यात, ११ म्ह सित

नेवा: अनलाइन न्युज – ललेन्द्र शाक्य | २०७८ मङ्सिर १०, शुक्रबार ०९:३९:१८

रुसया दक्षिण पश्चिम सर्बियाया छगू कोइला खानीइ बिहिवाः मिँ च्यानाः ११ म्ह मनूत सीगु दुसा ४० म्हसिबें अप्वः मनूत घाःपाः जूगु अनया अधिकारीपिन्सं जानकारी ब्यूगु दु ।

उगु क्षेत्रय् दर्जनौं मनूत अलपत्र जूगु अधिकारीपिन्सं धाःगु दु ।

उगु घटना जूगु इलय् २८५ म्ह मनूत खानीइ दूगु खः । उपिंमध्ये २३९ म्हेसिगु उद्धार याःगु व ४६ म्ह फसेजूगु स्थानीय अधिकारीपिन्सं धाःगु दु ।

४३ म्हेसित अस्पताल भर्ना याःगु व उपिंमध्ये स्वम्हेसिगु अवस्था तच्वः जूगु धाःगु दु । उगु घटनाया थप अनुसन्धान जुयाच्वंगु जानकारी ब्यूगु दु ।

Categorized in अन्तर्राष्ट्रिय