Header Nepal rastra bank Adv

रुसं ‘ओमिक्रोन’विरुद्धया खोप दयेकेगु ज्या न्ह्याकल

नेवा: अनलाइन न्युज – ललेन्द्र शाक्य | २०७८ मङ्सिर १४, मंगलबार १७:०५:४०

कोरोना भाइरसया न्हूगु भेरियन्टया रुपं खनेदूगु ‘ओमिक्रोन’या विरुद्धय् रुसय् खोप दयेकेगु ज्या न्ह्याकूगु दु ।

रुसया गामालेया राष्ट्रिय अनुसन्धान केन्द्रं कोरोना भाइरसया न्हूगु भेरियन्ट कथंया हे खोपया नं न्हूगु संस्करण दयेकेत्यंगु जानकारी ब्यूगु दु ।

केन्द्रया अधिकारीपिन्सं कोरोना भाइरसविरुद्ध छ्यःगु ‘स्पुटनिक भी’यात हे संशोधन यानाः ‘ओमिक्रोन’या विरुद्धय् नं ज्या याइगु दयेकेत्यनागु जानकारी ब्यूगु दु ।

इमिसं ओमिक्रोनविरुद्ध ज्या याइगु खोपया विकास याकनं हे जुइफूगु विश्वास नं प्वंकूगु दु । ओमिक्रोनविरुद्ध ज्या याइगु खोपया विकास जुइधुंकाः ४५ न्हु दुने हे सकल नागरिकपिन्त खोप उपलब्ध याकेगु इमिसं धाःगु दु ।

अन्तर्राष्ट्रिय बजाःयात तकं गाइगु कथं खोप उत्पादन यायेफइगु इमिगु धापू दु ।

Categorized in अन्तर्राष्ट्रिय