ad prabhu

रुपेन व शोभाया रोमान्स भोलिदेखि पिउँदिन...दुने (भिडियो)

नेवा: अनलाइन न्युज – ललेन्द्र शाक्य | २०७७ मङ्सिर ४, बिहिबार १४:३३:४५

थौंकन्हय् नेपालभाषा संकिपा व म्यूजिक भिडियो ख्यलय् अतिकं व्यस्त जुयाच्वनादीम्ह हिरो रुपेन श्रेष्ठ थक्वाःमिं खस नेपाली भाषाया म्यूजिक भिडियो नं म्हितादीगु दु ।

रुपेनं म्हितादीगु खस नेपाली भाषाया म्येया बोल खः ...भोलिदेखि पिउँदिन, कसम खान्छु छुँदै छुन्न...।

थुगु खस नेपाली भाषाया म्यूजिक भिडियोय् रुपेनयात फेशन डिजाइनर बोल्ड हिरोइन शोभा महर्जनं साथ बियादीगु दु ।

थुगु म्यूजिक भिडियो दुने रुपेन व शोभाया ल्वापु लिसें मतिनाया सवाः कथं न्ह्याइपुगु रोमान्सं नं स्वयादी फइसा अयलाःया नशा व पासापिंलिसेया संगत अले छम्ह अयलागुलु गुकथं भिंम्ह मनू जुइ धैगु लू क्यनातःगु दु ।

रुपेन व शोभालिसें थुगु म्यूजिक भिडियो दुनेया सकल कलाकारपिन्सं जीवन्त अभिनय यानातःगु दु । उकिं हे जुइ थुगु म्यूजिक भिडियो न्ह्याक्व स्वःसां स्वये मगाःथें जुइगु । अझ धायेगु खःसा रुपेन व शोभाया मनमुटाव व रोमान्सं स्वकुमिपिन्त झुमिं अवश्यं यंकी ।

ईश्वर के. महर्जनं हालादीगु थुगु म्येया खँग्वः खस नेपाली संगीत ख्यलय् नांजाःम्ह म्येच्वमि सुरेन्द्र रानां च्वयादीगु दुसा लोकंह्वाःम्ह संगीतकःमि सुमन कपालीं लसय् हनादीगु दु ।

अथेहे, नांजाःम्ह संगीतकःमि विरेन शाक्यं संगीत संयोजन यानादीगु थुगु म्येया म्यूजिक भिडियोया नितिं रोनी राई मेकअप आर्टिष्ट जुयादीगु दु ।

आनन्द बज्राचार्यपाखें प्रोडक्सन यानादीगु थुगु म्येया म्यूजिक भिडियो मोहनकुमार झिल्लुं क्यामेरा पर्सनया भूमिका म्हितादीगु दुसा सम्पादन व कलरया ज्या अनिलकुमार महर्जनं यानादीगु दु । अथेहे, थुगु म्येया निर्देशन अनिल मिष्टर ग्लास व सुजन बज्राचार्य ख्वपय् नं यानादीगु दु ।

(थन क्लीक यानाः भिडियो स्वयादिसँ)

Categorized in कला