nepal investment baink

रास्वपां महामन्त्रीपाखें ढकालयात चिइकल

नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व तृतीया (२०८१ असार २५ गते) मंगलवाः

राष्ट्रिय स्वतन्त्र पार्टी (रास्वपा)पाखें पार्टी महामन्त्री मुकुल ढकालयात पदं चिइकूगु दु ।

पार्टी केन्द्रीय समितिया थौं मंगलवाःया बैठकं पार्टी अनुशासन समितिया सिफारिसय् पार्टी केन्द्रीय दुजः, प्रवक्ता व महामन्त्री पदं मुकुल ढकालयात चिइकूगु खः ।

ढकालयात सर्वसम्मतिपाखें पदमुक्त याःगु कार्यवाहक प्रवक्ता मनिष झा नं जानकारी ब्यूगु दु । आः मुकुल ढकालया साधारण सदस्यता जक कायम याःगु दु ।

पार्टी नायः लिसें उपप्रधानमन्त्री व गृहमन्त्री रवि लामिछानेया नायःसुइ च्वंगु बैठकं ढकालयात केन्द्रीय समितिया निर्णयप्रति असहमत जूसा पुनरावेदन यायेफइगु निर्णय याःगु दु ।

रास्वपां पुनरावलोकन समिति सहमहामन्त्री विपीन आचार्यया संयोजकत्वय् नीस्वंगु दु ।

पार्टी दुने न्वःवाःगु हे हुनिं महामन्त्री ढकाल कारवाहीस लाःगु खँयात स्वाभाविक रुपं कायेमाः ला धैगु विषयस प्रवक्ता झा नं धाःगु दु, “वयकलं राजनीतिक व्यवहार मक्यंगु हुनिं कारवाही याःगु खः ।”

Categorized in राजनीति