ad prabhu

राष्ट्रिय फुटबल टोलीया प्रशिक्षण थौं निसें न्ह्यात

नेवा: अनलाइन न्युज | २०७७ कार्तिक १३, बिहिबार १९:५५:२६

नेपाली राष्ट्रिय फुटबल टोलीया  प्रशिक्षण थौं निसें न्ह्याकुगु दु । बङ्गलादेश नाप मैत्रीपूर्ण कासाया नितिं नेपालं थौं निसें प्रशिक्षण न्ह्याकुगु खः । न्हापांगु प्रशिक्षण त्रिपुरेश्वरया दशरथ रङ्गशालाय् थौं २ बजे न्हयाकुगु खः । एन्फां खेलाडीया त्रिपुरेश्वरया वल्र्ड ट्रेड सेन्टरय् तयातःगु दु । प्रशिक्षणया नितिं राष्ट्रिय खेलकुद परिषदं एन्फायात अनुमति ब्यूगु खः ।

नेपालं बाल गोपाल महर्जनया नेतृत्वय् तयारी याःगु दु । मुख्य प्रशिक्षक योहान कालिन स्विडेनय् दुगु कारण्एन्फां महर्जनयात टिम स्वयेगु जिम्मेवारी ब्यूगु खः । टोलीया सहायक प्रशिक्षकय् किरण श्रेष्ठ व गोलकिपर प्रशिक्षकय् विकास मल्ल च्वनादिगु दु । नेपालं बङ्गलादेश नाप ढाकाय् निगू मैत्रीपूर्ण कासा म्हिते त्यंगु खः । ढाकाया बङ्गबन्धु रङ्गशालाय् जुइगु न्हापांगु मैत्रीपूर्ण कासा कात्तिक २८ गते जुइसा निक्वःगु मैत्रीपूर्ण कासा वइगु मङ्सिर २ गते जुइगु एन्फा न्ह्यथंगु दु । 

 

Categorized in कासा