nepal life 2076 3 18

राष्ट्रिय खेलकुद परिषदया पुलांम्ह न्वकू लामा टेण्डी मन्त

नेवा: अनलाइन न्युज – ललेन्द्र शाक्य | २०७८ मङ्सिर ८, बुधबार १६:०७:२४

राष्ट्रिय खेलकुद परिषद (राखेप)या पुलांम्ह न्वकू लामा टेण्डी शेर्पा बुधवाः सुथय् मन्त ।

नेपाल बास्केटबल संघया पुलांम्ह नायः तकं जुइधुंकूम्ह टेण्डी बुधवाः सुथय् ३ ता इलय् मदूगु नेपाल बास्केटबल संघया महासचिव नरेन्द्र थापां जानकारी ब्यूगु खः । टेण्डीया बौद्धय् च्वंगु गुम्बाय् अन्तिम संस्कार याःगु दु ।

लिपांगु निदँ न्ह्यःनिसें नसा सम्बन्धी ल्वचं कयाच्वंम्ह टेण्डी वासः यायेगु झ्वलय् विशालनगरय् च्वंगु केयर होमय् भर्ना जुयाच्वंगु खःसा अन हे टेण्डी मदुगु थापां जानकारी ब्यूगु दु । वसिबें नह्यः टेण्डीयात वासः यायेगु नितिं भारत व अमेरिका तकं यंकूगु खः ।

लामा टेण्डी शेर्पा नेपाल ओलम्पिक कमिटी व नेपाल खेलकुद महासंघया पुलांम्ह महासचिव नं खःसा अमृत साइन्स क्याम्पसया पुलांम्ह स्ववियु सभापति नं खः ।

Categorized in कासा