kmc bidya

राष्ट्रियसभां ‘नेपाल विशेष सेवा विधेयक’ सर्वसम्मतिं पारित

नेवा: अनलाइन न्युज – ललेन्द्र शाक्य | २०७७ जेठ ७, बुधबार १३:३४:०१

राष्ट्रियसभाया बैठकं ‘नेपाल विशेष सेवा विधेयक, २०७६’ यात सर्वसम्मतिं पारित याःगु दु । बैठकय् प्रधानमन्त्री केपी शर्मा ओलीया पाखें कानून, न्याय व संसदीय मामिलामन्त्री शिवमाया तुम्बाहाम्फें उगु विधेयकयात पारित या धकाः प्रस्ताव न्ह्यब्वःगु खः ।

बैठकं ‘बीउबिजन (निगूगु संशोधन) विधेयक, २०७६’ व ‘ विरुवा संरक्षण (न्हापांगु संशोधन) विधेयक २०७५’यात सर्वसम्मतिं स्वीकृत याःगु दु । कृषि व पशुपंक्षी विकासमन्त्री घनश्याम भुसालं प्रतिनिधिसभा सन्देशलिसें उगु विधेयकयात विचार या धैगु प्रस्ताव न्ह्यब्वःगु खः ।

बैठकय् विधायन व्यवस्थापन समितिइ सभापति परशुराम चौधरी, मेघी गुरुङं ‘नीति अनुसन्धान प्रतिष्ठान विधेयक, २०७६’ सम्बन्धी समितिया प्रतिवेदन सभा न्ह्यःने पेस याःगु खः ।

युवा व खेलकुदमन्त्री जगतबहादुर सुनार विश्वकर्मां राष्ट्रिसभापाखें पारित यानाः प्रतिनिधिसभाय् छ्वःगु ‘राष्ट्रिय खेलकुद विकास विधेयक, २०७५ यात प्रतिनिधिसभापाखें जूगु संशोधन स्वीकारलिसें हाकनं पारित या’ धैगु प्रस्ताव पेश याःगु खः । राष्ट्रियसभाया मेगु बैठक थ्वहे जेठ १२ गते सुथसिया ११ ता इलय् च्वनीगु जूगु दु ।

Categorized in राजनीति