2565 buddha Jayanti ADV

राधे ! मेगु झट्का सलमान खानयात

नेवा: अनलाइन न्युज – ललेन्द्र शाक्य | २०७८ जेठ १५, शनिबार १२:१९:०२

सलमान खानं संकिपा ‘राधे’ रिलिज जुइखतं चोरी जुइगुपाखें बचेयायेत मुक्कं हे कुतः याःगु खः । तर आः खानया संकिपा ‘राधे’ युट्युबय् वःगु बुखँ पिहाँ वःगु दु ।

नकतिनि जक छगू यूट्युब च्यानलं ‘राधे’ संकिपायात अपलोड याःगु खः । संकिपायात स्वकुमिपिन्सं स्वये धुंकूगु दु । यूट्युबय् रिलिज जूगु छुं मिनेट दुने हे संकिपायात ३२ हजारसिबें अप्वः भ्यूज वःगु खः । तर, संकिपा रिलिज याःगु छुं मिनेट दुने हे यूट्युबं लिकाःगु दु ।

‘राधे’ संकिपा रिलिज यायेधुंकूसां निसें हे सलमान खानं पायरेसी मयायेत इनाप यानाच्वंगु दु । अयसां मनूतसें खानया इनापयात ध्यानय् मतल, व चोरीया पलाखय् वन । आः खानं यूट्युबय् संकिपा रिलिज याःपिन्त गुज्वःगु कारवाही याइगु खः ? व धाःसा स्वये ल्यं हे दनि ।

दिल्लीया उच्च अदालतं सलमान खानया संकिपा ‘राधे’या चोरीया मुद्दाय् कडा रुपं अडान काःगु दु । अदालतं संकिपायात सामाजिक संजालय् अवैध रुपं प्रसारण यायेत तकं प्रतिबन्ध तःगु दु । थुकिया लिसेलिसें गैरकानूनी रुपं सामाजिक संजालपाखें संकिपा प्रसारण याःपिन्त गिरफ्तार यायेफइगु कानूनी प्रावधान दु ।

Categorized in कला