Header Nepal rastra bank Adv

राजेन्द्र डंगोलया ‘व मनू सु मनू’ म्येया कभर म्ये धेंधेंबल्ला कासा जुइगु

नेवा: अनलाइन न्युज – ललेन्द्र शाक्य | २०७९ श्रावण १८, बुधबार १५:४३:५२

आः नकतिनि जक मगन इन्टरटेन्टमेन्टया लुखां पिदंगु रजिन महर्जनया सिनेमाटोग्राफी, निर्देशन व सम्पादनय् पिदंगु म्यूजिक भिडियो ‘व मनू सु मनू’ म्येया कभर म्ये धेंधेंबल्ला कासा यायेगु ग्वसाः ग्वःगु दु ।

थुगु म्ये किपूया कासामिलिसें संगीतकःमि लिसें पेजथ्री पब्लिक च्वाइस म्यूजिक अवार्ड ११४२ य् उत्कृष्ट आधुनिक संगीतकारया अवार्ड त्याकेत ताःलाःम्ह भुवन महर्जनया च्वसां पिज्वःगु व वय्कलं हे लसय् हनादीगु म्येखःसा नांजाःम्ह संगीतकःमि सुरेन्द्र श्रेष्ठं संगीत संयोजन यानादीगु व थौंकन्हय् हङकङय् च्वनादीम्ह राजेन्द्र डंगोलं हालादीगु म्ये खः ।

म्येच्वमि व लय् चिनामि भुवन महर्जनं नेवाः अनलाईनन्यूजयात बियादीगुजानकारी कथं ‘व मनू सु मनू’ म्येया कभर म्ये धेंधेंबल्ला कासा ग्वसाः ग्वयेगु नितिं संगीत संयोजक सुरेन्द्र श्रेष्ठलिसें थीथी सम्बन्धित पक्षलिसे सहलह ब्याकेधुनागु व आः याकनं हे कभर म्येधेंधेंबल्ला ज्याझ्वः न्ह्याकेगु जुइ धकाः कनादीगु दु ।

आः थुगु म्येया कभर म्ये धेंधेंबल्ला कासाया नितिं माःगु नियम, व्यवस्थापनया ज्या गुकथं न्ह्याकेगु धैगु खँय् सहलह जुयाच्वंगु व फयांफतले मोहनी नखःया जःखः ज्याझ्वः यायेगु सम्भावना दूगु जानकारी नं म्येच्वमि व लय् चिनामि महर्जनं बियादीगु दु ।

नेपालभाषा संगीत ख्यलय् नुगः क्वसाःपिं न्हूपिं व पुलांपिं प्रतिभावान् गायक गायिकापिनिगुनितिं हःपाः व तिबः बिइगु आज्जुं थुकथं कभर म्ये धेंधेंबल्ला कासाया ग्वसाः ग्वयेगु नितिं सहलह जूगु जानकारी ‘व मनू सु मनू’ म्येया संगीत संयोजक लिसें नांजाःम्ह संगीतकःमि सुरेन्द्र श्रेष्ठ नेवाः अनलाईनन्यूजयात कनादीगु दु ।

थुगु म्येया म्यूजिक भिडियोय् किपूया लोकंह्वाःम्ह कलाकार लक्ष्मीकुमार महर्जन उदासया मू भूमिकाय् म्हितादीगु दु।

 

थन क्लीक यानाः भिडियो स्वयादिसँ

Categorized in कला