zero media family planning adv

रसु पन्त थुगुसिइ ‘किड क्विन’

नेवा: अनलाइन न्युज – विजयरत्न | २०७६ मङ्सिर २२, आइतबार १२:०३:२८

मिस नेवाः कासाया ग्वसाः ग्वयाः वयाच्वंगु नेप्लिज फेशन होमया ग्वसालय् शनिवाः येँया जमलय् च्वंगु राष्ट्रिय नाचघरय् थुगुसिइ १७ क्वःगु संस्करणया ‘किड क्विन नेपाल २०१९’ कासा क्वचाःगु दु ।

थुगुसिया कासाय् २१ म्हेसिनं ब्वति काःगु खःसा उकीमध्ये रसु पन्तं १७ क्वःगु ‘किड क्विन नेपाल २०१९’ या उपाधी त्याकेत ताःलागु दु ।

थुगुसिया किड क्विन जूम्ह रसु पन्तयात १०द्वः तका दां व थीथी सिरपाः  नं लःल्हाःगु खः ।



येँ महानगरपालिकाया मेयर विद्यासुन्दर शाक्यया मूपाहाँसुइ जूगु १७ क्वःगु संस्करणय् फस्ट रनरअप रोशिका लामा व सेकेन्ड रनरअप कृष्मा ढुंगानापिन्सं त्याकादीगु खः ।

थ्व कासाय् थुगुसिइ सोसियल वेलफेयर सानभी बाँनिया, मिस ट्यालेन्ट सुप्रिया बिष्ट, मिस फ्रेन्डसिप निशा बिक, मिस स्माईल स्नेहा रजक, मिस पर्सनालिटी रितिका थापा, मिस क्याटवाक मनिषा राई, मिस कल्चर प्रकृना प्रधानांग घोषित जूगु खःसा पब्लिक च्वाईस सुप्रिया तामाङ, बेस्ट ड्रेस सरु खोटेजु, मिस डिसिप्लेन प्राची किबनायो, बेस्ट हेयर स्नेहा प्रजापति, मिस एलिगेन्ट श्रीया जराजु, बेस्ट स्किन आयुषा वाईवा, मिस चार्मिङ निमिषा श्रेष्ठ घोषित जुल ।

थ्व कासायात कया नेप्लिज फेशन होमया अध्यक्ष हेमा मानन्धरं मिसामचापिनिगु प्रतिभा न्ह्यब्वयेगु व व्यक्तित्व विकासया नितिं ग्वाहालि जुइकथं स्वनिगः दुनेया थीथी स्कूलया मिसामस्त दथुइ थ्व कासा न्ह्याकाः वयाच्वनागु खँ कनादिल ।

सञ्चारकःमि रोजिन शाक्यं न्ह्याकादीगु उगु ज्याझ्वलय् निर्णायकय् वरिष्ठ सञ्चारकःमिपिं कृष्ण भट्टराई व डब्बु क्षेत्री, मार्शल आर्ट गुरु अशोककुमार श्रेष्ठ, नेपाल एयरलाईन्स कर्पोरेशनया अच्युतराज पहाडी, लोकंह्वाःम्ह म्येहालामि लसता जोशी, मेकअप आर्टिस्ट मञ्जु कार्की पाण्डे व उद्योगी रोशन सायमीपिं च्वनादीगु ख ।

Categorized in कला