Header Nepal rastra bank Adv

रविया राष्ट्रिय स्वतन्त्र पार्टी दर्ता मयायेत धासें निर्वाचन आयोगय् उजुरी

नेवा: अनलाइन न्युज – ललेन्द्र शाक्य | २०७९ आषाढ ८, बुधबार १३:०३:५७

रवि लामिछानें राष्ट्रिय स्वतन्त्र पार्टी दर्ताया नितिं निर्वाचन आयोगय् ब्यूगु निवेदन खारेजीया माग यासें उजुरी लाःगु दु ।

स्वतन्त्र उम्मेदवारी अभियानं निर्वाचन आयोगय् उजुरी ब्यूगु खः । छगू पुचः निवेदन ज्वनाः वःगु निर्वाचन आयोगया प्रवक्ता शालिग्राम शर्मा पौडेलं जानकारी ब्यूगु दु । वं धाःगु दु, ‘प्रमुख निर्वाचन अधिकृतयात सम्बोधन यानाः निवेदन ज्वनाः वःपिं प्रमुख निर्वाचन अधिकृतयात नापलायेत वंगु खः ।’

स्वतन्त्र अभियानया कजि डम्बर शाह नं ब्यूगु उजुरीइ पार्टीया नामय् स्वतन्त्र खँग्वः छ्यलेमज्यूगु माग यानातःगु दु । रविं राष्ट्रिय स्वतन्त्र पार्टी घोषणा यासें मंलवाः निर्वाचन आयोगय् दल दर्ताया नितिं निवेदन ब्यूगु खः ।

निवेदन खारेजीया माग यासें स्वतन्त्र अभियानया कजि शाह नं ब्यूगु उजुरीइ धयातःगु दु, ‘सुं नं व्यक्तिं राजनीतिक दलय् आबद्ध जुइ चाहेमजू व स्वतन्त्र रुपं चुनावी उम्मेदवारी बिइत व निर्वाचित जुइदइगु कथं संविधानं ब्यूगु अधिकार लाकाकयाः स्वतन्त्रया नामय् पार्टी नीस्वनेगु धैगु स्वतन्त्र उम्मेदवारीया भ्रम व अन्यौल ब्वलंगु दु ।’

Categorized in राजनीति