zero media family planning adv

रजनीकान्तया ‘दरबार’ फ्लप : पारिश्रमिक क्वपाल

नेवा: अनलाइन न्युज | २०७६ माघ २८, मंगलबार १३:२४:०४

सुपरस्टार रजनीकान्तं मू भूमिकाय् अभिनय याःगु संकिपा ‘दरबार’ बक्स अफिसय् असफल जुइधुंकाः सन पिक्चर्सं पारिश्रमिक क्वपालाः बच्छि जक बिइगु निर्णय याःगु दु ।

‘गजनी’या निर्देशक ए.आर. मुर्गुडोसलिसे रजनकिान्तं न्हापांगुखुसि सहकार्य याःगु उगु संकिपां ७० करोडया घाटा याःगु धासें वितरकपिन्सं क्षतिपूर्ति माग याःगु खः । थ्व रजनीकान्तया संकिपा करियरय् हे खराब लिच्वः जूगु भारतीय मिडियां न्ह्यथंगु दु ।

आः नकतिनि जक संकिपाया पाखें सन पिक्चर्सया प्रतिनिधि कलानिदीं रजनीकान्तयात पारिश्रमिक बच्छि जक बिइगु विषयस नापलानाः सहलह ब्याकूगु दु । वया प्रस्ताव न्यनाः रजनीकान्त सुरुइ ला अजू चाःगु खः । ताःई सहलह लिपा वं रजनीकानतयात ह्ययेकेत ताःलाःगु खः ।

२ सय करोडया बजेटया ‘दरबार’ संकिपाय् वं १ सय १८ करोड पारिश्रमिक काःगु खः । सन पिक्चर्सं धाःसा आः वयात न्हूगु संकिपाया नितिं ५८ करोड जक बिइगु जूगु दु ।

Categorized in कला