ad prabhu

रअ...या प्रमुखं प्रधानमन्त्री ओलीयात नापलाःगु पुष्टि

नेवा: अनलाइन न्युज – ललेन्द्र शाक्य | २०७७ कार्तिक ६, बिहिबार १४:१३:५२

प्रधानमन्त्री केपी शर्मा ओली व भारतीय गुप्तचर संस्था रिसर्च एण्ड एनालाइसिस विंग (रअ)या प्रमुख सामन्तकुमार गोयलदथुइ भेटवार्ता जूगु पुष्टि याःगु दु ।

प्रधानमन्त्रीया प्रेस सल्लाहकार सूर्य थापां बिहिवाः वक्तव्य हे सार्वजनिक यानाः रअ प्रमुखं प्रधानमन्त्री ओलीयात नापलाःगु स्वीकार याःगु दु । थापां वक्तव्यय् धयातःगु दु, रअ प्रमुख नापलायेगु नितिं बुधवाः बहनी प्रधानमन्त्रीया सरकारी निवास बालुवाटार वःगु खः ।

नापलायेगु झ्वलय् रअ प्रमुख गोयलं नेपाः व भारत दथुया मैत्री स्वापू खलबले मजुइकेगु, समस्यातय्गु वार्तापाखें समाधान यायेगु व थःथवय् ग्वाहालियात निरन्त रुपं न्ह्यःने यंकेगु विषयस थःगु धारणा तःगु प्रधानमन्त्रीया प्रेस सल्लाहकार थापां धाःगु दु ।

रअ प्रमुख गोयल नेतृत्वया ९ म्ह दुजःया पुचः बुधवाः कूटनीतिक उडानपाखें नेपाः वःगु खः ।

प्रधानमन्त्री प्रेस सल्लाहकार थापां नेतापिन्त नापलाःगु चर्चा जुइधुंकाः पूर्व प्रधानमन्त्रीपिं व नेकपा नायः प्रचण्ड व बरिष्ठ नेता माधवकुमार नेपालं थःपिनिगु रअ प्रमुख गोयललिसे नापलाये ज्या मजूगु प्रष्ट याःगु दु ।

Categorized in राजनीति