coved ad

यौनकाण्डं बेलायतया राजकुमार एन्ड्रिउं गुमेयात शाही सुविधा

नेवा: अनलाइन न्युज – ललेन्द्र शाक्य | २०७८ पौष ३०, शुक्रबार ११:०८:१३

बेलायतया राजकुमार एन्ड्रिउं शाही सुविधा गुमेयाःगु दु ।

यौनकाण्डय् लायेधुंकाः वं सैनिक भूमिका व राजकुमारया रुपं कायेदइगु संरक्षण व सुविधा तकं गुमेयाःगु दु ।

आः एन्ड्रिउयात रोयल हाइनेश धाइमखुत । वं सन् २०१९ स सार्वजनिक जिम्मेवारी गुमेयाये धुंकूगु खः । एन्ड्रिउं सर्वसाधारणंथें थःत लाःगु अभियोगया सामना यायेमालीगु जूगु दु ।

एन्ड्रिउयात कम उमेरया मिसालिसे यौन स्वापू तःगु अभियोग लाःगु दु । यौनकाण्डय् लानाः गिरफ्तारीइ लाःम्ह अमेरिकी नागरिक जेफरी इपिस्टिनलिसे वया स्वापू खुलस्त जूगु खः । इपिस्टिनं जेलदुने आत्महत्या यायेधुंकूगु दु ।

६१ दँया एन्ड्रिउ बेलायतया महारानी एलिजाबेथया निम्हम्ह सन्तान खः । व विगतय् यौनकाण्डय् दुथ्याःगु खुलस्त जूगु खः ।

एन्ड्रिउयात कम उमेरय् यौन स्वापूया द्वपं ब्यूम्ह भर्जिनिया जिउप्रे आः ३८ दँयाम्ह खः । व १७ दँ दुबलय् एन्ड्रिउ नं यौन दुव्र्यवहार याःगु विषय न्ह्यःने वःगु खः ।

Categorized in अन्तर्राष्ट्रिय