coved ad

योगेश भट्टराई नं बतास पुचःयात नियतवस नारायणहितिया जग्गा ब्यूगु खः

नेवा: अनलाइन न्युज – ललेन्द्र शाक्य | २०७८ पौष २२, बिहिबार १२:१७:२९

नारायणहिति संग्रहालयया जग्गा बतास पुचःयात योगेश भट्टराई नं नियतवस ब्यूगु द्वपं नेकपा एकीकृत समाजवादीया नेता मेटमणि चौधरीं ब्यूगु दु ।

नेता चौधरीं योगेश भट्टराईयात थथे द्वपं बिसें आः विज्ञप्ति सार्वजनिक यानाः ‘गोहीया ख्ववि हायेकूथें’ यानाः जनताया मिखाय् धुलं छ्वाकेगु ज्या याःगु छुं नं अर्थ मदूगु धाःगु दु ।

नेता चौधरीं धाःगु दु, ‘पर्यटन मन्त्री वयकः, सम्झौता याःम्ह वयकः, अले आः विज्ञप्ति सार्वजनिक यानाः जिइला ? सुनां ब्यूगु खः, वयात हे कारवाही यायेमाः ।’

लिसें नेता चौधरीं माओवादी केन्द्र व एकीकृत समाजवादीदथुइ एकता यानाः संवृद्ध कम्युनिष्ट पार्टी निर्माणय् थःपिं वनागु धासें आःया नेतृत्वपाखें पार्टी एकता सम्भव दूगु दाबी याःगु दु ।

अथेहे, नेता चौधरीं वइगु निर्वाचनतक नेकपा एमालें छगू सिट नं मत्याकीगु दाबी यासें एमालेया महासचिव शंकर पोखरेलयात थःलिसे चुनाव ल्वायेत ख्याच्वः ब्यूगु दु ।

Categorized in राजनीति