nepal investment baink

येँ महानगर प्रहरीं जफत यायेगु ज्या न्ह्याकल सुर्तीजन्य पदार्थ

नेवा: अनलाइन न्युज – ललेन्द्र शाक्य | २०८० मङ्सिर २८, बिहिबार १४:४०:४०

येँ महानगरपालिकां पसलय् मिइगु नितिं तयातःगु सुर्तीजन्य पदार्थ थौं बिहिवाःनिसें जफत यायेगु ज्या न्ह्याकूगु दु ।

येँय् सुर्तीजन्य पदार्थ मिइ मदइगु व मिइगु ज्या याःगु सिल धाःसा पसः बन्दतक याकेफइगु सुचं सार्वजनिक कन्हय् कुन्हुनिसे हे महानगरपालिकां पसःया अनुगमन न्ह्याकूगु खः ।

महानगरपालिकां सुर्तीजन्य पदार्थया भण्डारण, मिइगु व छ्यलाबुलायात पूर्ण प्रतिबन्ध तःगु दु ।

थौं बिहिवाः सुथय् जक महानगर प्रहरीं बालाजु लिसेंया थासं निगू बोरा, जडिबुटी व कोटेश्वर लागापाखें निगू झोला व मेमेगु थासं स्वंगू बोरा सुर्तीजन्य पदार्थ जफत याःगु महानगर प्रहरीया कार्यबाहक प्रमुख एसपी विष्णु जोशीं जानकारी ब्यूगु दु ।

महानगर प्रहरीं अनुगमनया नितिं झिम्ह झिम्हेसिगु न्यागू टोली परिचालन याःगु दु । अथेहे सादा वसतय् नं प्रहरी परिचालन याःगु दु


एसपी जोशीं धाःगु दु, ‘अनुगमन यानाबलय् पसलय् सुर्तीजन्य पदार्थ लुयावःसा सचेत याकूसें निक्वःतक जफत यायेगु व स्वक्वःगुखुसि नं लुयावल धाःसा पसः बन्द याकेगु तकया कारवाही जुइ ।’

Categorized in बजाः