नेवा: अनलाइन न्युज – निश्चल | २०८० भाद्र ३०, शनिबार १२:१९:०५

येँ महानगरपालिकां नेपालभाषा मंकाः खलःयाः छेँ औपचारिक कथं लःल्हागु दु ।

थौं शनिवाः छगू ज्याझ्वःया दथुइ मंकाः खलःया छेँ औपचारिक कथं लःल्हागु खः ।

येँया १५ वडा बिजेश्वरी दयेकुगु मंकाः खलःया छेँया उलेज्या मू पहाँ कथं झायादिम्ह येँ महानगरपालिकाया उप मेयर सुनिता डंगोलं मकाः खलःया नायः जनकबि दुर्गालाल श्रेष्ठ , येँ १५ वडाया वडा अध्यक्ष इश्वरमान डंगोलं मंकाः कथं यानादिगु खःसा छेँया ताँचा उप मेयर डंगोलं नेपालभाषा मंकाः खलःया नायः लिसें जनकबि दुर्गालाल श्रेष्ठंयात लःल्हानादिगु खः । 

मंकाः खलःया नायः लिसें जनकबि दुर्गालाल श्रेष्ठंया सभापतित्वय् जुगु उगु ज्याझ्वलय् मंकाः खलःया न्वकू नेवाः न्ह्यलुवा मंकाः खलःया न्वकू मल्ल के सुन्दर, छ्याजे राजा शाक्य, दांभरी गणेश सायमी, ज्यासना पुचःया दुजःपिं प्राडा चुण्डा बज्राचार्य, मंगलादेबि कारंजित, बालकृष्ण प्रजापति ,सुजनरन्त तुलाधर, किरण श्रेष्ठ, येँ महानगरपालिका १५ वडाया वडा अध्यक्ष इश्वरमान डंगोल, येँ महानगरपालिका सार्वजनिक निर्माण बिभागया प्रमू रामबहादुर थापा, लिसें थीथी हनेबहःपिं पाहाँ कथं उपस्थिति जुगु खः । 

उगु ज्याझ्वलय् नेपालभाषा मंकाःखलःया ज्यासना पुचःया दुजः लिसें प्रवक्ता रमेशमान पियां सकसितं लसकुस यानादिगु खः । 

खलःया नायः दुर्गालाल जनकवि श्रेष्ठ, न्वकू मंल्ल के.सुन्दर लिसें पाहाँपिन्सं थःथःगु नुंगः खँ प्वंकादिगु खः ।

ज्याझ्वलय् ज्यासना पुचःया दुजः प्रतापमान शाक्यं सकसित सुभाय् देछानादिगु खः । ज्याझ्वः ज्यासना पुचःया दुजः राजा शाक्यं न्ह्याकादिगु खः ।

थुगु छेँय् पुलाम्ह मेयर बिद्यासुन्दर शाक्यया पालय् येँ महानगरपालिकाया आर्थिक ग्वाहालि दयेकेगु ज्या जुगु खः ।

किपाः व बुखँ ग्वाहालि नेवाः सूचना केन्द्र

 

Categorized in नेवाः