nepal investment baink

येँ महानगरं बास्यूगु पकौडा नकूगु धासें थःगु ज्याकुथिया चमेना गृहयात पुइकल जरिवाना

नेवा: अनलाइन न्युज – ललेन्द्र शाक्य | ने.सं. ११४४ सिल्लागा नवमी (२०८० फागुन २१ गते)

येँ महानगरपालिकां थःगु ज्याकुथिइ संचालन जुयाच्वंगु चमेना गृहयात ५० हजार तका दां जरिवाना पुइकूगु दु ।

चमेना गृहया नसाज्वलंया विषयस गुनासोत वयेधुंकाः अनुगमन याःबलय् पकौडा बास्यूगु लुयावःगु व बास्यूगु नसाज्वलं नकाः वयाच्वंगु लुयावःगुलिं जरिवाना यानागु निरीक्षक अधिकृत लिसें कृषि व पशुपन्छी विभागया प्रमुख डा. अवधेश झा नं जानकारी ब्यूगु दु ।

महानगरया कथं मू कथंया मात्रा उपलब्ध मयाःगु, स्वच्छ नसाज्वलं मजूगु गुनासो न्हापांनं वःगु खः ।

निरीक्षक झा नं धाःगु दु, ‘जिमिसं थथे मयायेत सचेत याकागु नं खः । उकियात बेवास्ता यायेधुंकाः कारवाही यानागु खः । जिमिसं नमूना परीक्षणया नसाज्वलं माग यानागु खः । संचालकं नसाज्वलं बिइ चाहेमजूगु खः ।’

Categorized in बजाः