nepal investment baink

येँ मनपा २४ वडाया पुलांम्ह वडाध्यक्ष श्रेष्ठ मन्त

नेवा: अनलाइन न्युज – ललेन्द्र शाक्य | ने.सं. ११४४ सिल्लाथ्व त्रयोदसी

येँ महानगरपालिका २४ वडाया पुलांम्ह वडाध्यक्ष बालकृष्ण श्रेष्ठ मन्त ।

७९ दँया श्रेष्ठयात दमया ल्वचं कयाच्वंगु खःसा वय्कः वासः यायेगु झ्वलय् म्हिगः बुधवाः बहनी ८ः३० ता इलय् नर्भिक अस्पतालय् मदूगु खः ।

मदुम्ह श्रेष्ठया अन्तिम संस्कार क्वचाःगु दु ।

येँ मनपा वडा ल्याः २४ य् थ्यंमथ्यं न्याक्वःतक वडाध्यक्ष जुयादी धुंकूम्ह श्रेष्ठ वंगु चुनावय् नं नेकपा एकीकृत समाजवादीपाखें वडाध्यक्षया उम्मेदवार जुयादीगु खः । वय्कः थ्वया न्ह्यः नेकपा एमालेपाखें चुनावय् दनाः त्याकादीगु खःसा न्हापा स्वतन्त्र उम्मेदवार जुयाः त्याकादीगु खः ।

येँ दुने वय्कःयात यक्व ई वडाध्यक्ष जूम्ह व्यक्तित्व कथं सकस्यां लुमंकेगु याः ।

मदुम्ह श्रेष्ठया स्वम्ह म्ह काय् व छम्ह म्ह्याय् दी ।

Categorized in नेवाः