ad prabhu

येँ नं मजदुर ज्वनावंगु बस रामेछापय् दुर्घटना

नेवा: अनलाइन न्युज – ललेन्द्र शाक्य | २०७७ बैशाख १०, बुधबार ०९:१८:३५

येँपाखें दोलखा वनाच्वंगु बस रामेछापय् दुर्घटना जूगु दु । दुर्घटनाय् लानाः थ्यंमथ्यं छगू दर्जन मनूत घाःपाः जूगु दु ।

मजदुर ज्वनाः वनाच्वंगु बा२ख ६८१८ ल्याःया बस थौं बुधवाः सुथय् ४ ता इलय् मन्थली नगरपालिका ६ स दुर्घटना जूगु खः ।

जिल्ला प्रहरी ज्याकुथि रामेछापया कथं घाःपाः जूपिंमध्ये स्वम्हेसिगु अवस्था सामान्य जूगु जानकारी ब्यूगु दु ।

बसय् ३९ म्ह यात्रुपिं च्वनावंगु धाःगु दु ।

प्रहरीया कथं दुर्घटनाया हुनि सीमदुनि । थुकिया बारे अनुसन्धान जुयाच्वंगु दु ।

Categorized in दुर्घटना-अपराध