zero media family planning adv

येँय् बसन्त मानन्धरया नेतृत्वय् माधव पुचःपाखें समानान्तर कमिटी घोषणा

नेवा: अनलाइन न्युज – ललेन्द्र शाक्य | २०७७ चैत्र २३, सोमबार १०:३२:३५

नेकपा एमाले माधवकुमार नेपाल व झलनाथ खनाल पुचलं येँय् समानान्तर कमिटी घोषणा याःगु दु ।

आइतवाः छगू ज्याझ्वःया दथुइ माधव नेपाल पुचलं बसन्त मानन्धरया नायःसुइ २२५ म्ह दुजःया कमिटी घोषणा याःगु खः ।

बामदेव गौतम व जिपिं छगू हे थासय् दनेत्यनागु दु : माधवकुमार नेपाल

कमिटीया नायः पदय् बसन्त मानन्धर दुसा न्वकू पदय् शोभा सापकोटा च्वंगु दु । अथेहे, छ्याञ्जे पदय् कुुसुम कार्की व ल्यू छ्याञ्जेय् लक्ष्मीप्रसाद श्रेष्ठ च्वंगु दु ।

संस्थापन पुचःया नायः धाःसा कृष्ण राई च्वंगु दुसा कृष्ण राई संघीय सांसद खःसा बसन्त मानन्धर ३ नम्बर प्रदेशया सांसद खः ।

Categorized in राजनीति