prabhu baink new

येँया ९१ म्ह कोरोना संक्रमित सम्पर्कविहीन

नेवा: अनलाइन न्युज – ललेन्द्र शाक्य | २०७७ आश्विन २१, बुधबार ११:३३:५७

येँ महानगरपालिकाय् ९१ म्ह कोरोना संक्रमित सम्पर्कविहीन जुइधुंकाः उकिं तनाव ब्वलंकूगु दु ।

कोरोना संक्रमित जूपिनिगु सम्पर्कय् वःपिन्त टे्रसिंग यानाः क्वारेन्टिनय् तयाः भाइरसया लँपु बन्द (चेन ब्रेक) यायेमाःगुलि संक्रमित हे सम्पर्कय् मवयेधुंकाः तनाव ब्वलंगु खः ।

येँ महानगरपालिकाया कथं पीसीआर परीक्षण याकेगु झ्वलय् गलत सम्पकृ नम्बर व ठेगाना ब्यूपिं ९१ म्ह संक्रमित सम्पर्कविहनि जूगु खः । उपिं व्यक्ति पीसीआरया पोजेटिभ रिपोर्ट खल्तीइ तयाः समुदायस हे घुलमिल जुयाच्वंगु जुइफूगु आशंका महानगरपालिकां याःगु दु ।

येँ महानगरपालिका स्वास्थ्य शाखाया प्रमुख ज्ञानबहादुर ओलीं धाःगु दु, सम्पर्कविहीन जूपिं गुलिखे व्यक्तिया निवाःया ई क्वचाःगुलिं कोरोना मेपिं व्यक्तियात सरेजुइगु सम्भावना म्हो जूगु जुइफु ।

सोमवाःतक कन्ट्याक टे्रसिंग याकूपिंमध्ये १३ दशमलब ७६ प्रतिशत पोजेटिभ केस लुयावःगु दु ।

आःतक १६ हजार १८० म्हेसिगु कन्ट्याक टे्रसिंग यानाः पीसीआर याःबलय् २ हजार २२७ म्हेसिगु पीसीआर पोजेटिभ वःगु केस लुयावःगु येँ महानगरपालिकां जानकारी ब्यूगु दु ।

महानगरपालिकाया उपप्रमुख हरिप्रभा खड्गी श्रेष्ठं महानगरपालिका केन्द्रीय राजधानी जूगुलिं महानगरपालिका याकःचां चाहे जुयां जक कोरोना रोकथाम मजुइगु धाःगु दु ।

(थौं पिदंगु गोरखापत्र न्हिपौ पाखें)

Categorized in पत्रपत्रिका