zero media family planning adv

येँया २७ वडाय् ३०२ म्ह मध्ये ३०१ म्ह नेगेटिभ, छम्हेसिगु रिपोर्ट मवःनि

नेवा: अनलाइन न्युज – ललेन्द्र शाक्य | २०७७ श्रावण १६, शुक्रबार १४:५२:५१

येँया २७ वडाया लाःगु भोताहिति फलफुल गल्लीइ कोल्ड स्टोर तयातःम्ह छम्हेसित कोरोना पुष्टि  जुइवं २७ वडाया वडानायः चिनियामान बज्राचार्यलिसें उगु लागाया ३०२ म्हेस्यां पीसीआर परीक्षण याःगु खः।

थथे कोरोना पुष्टि जुम्ह न्ह्यखाय् छेँ जुयाः भोताहिति फलफूल गल्ली असं बहालय् वयेगु लँपुइ कोल्ड स्टोर पसः तयाः वयाच्वंम्ह संजय श्रेष्ठ खः ।

थथे कोरोना पुष्टि जुइवं टेकु अस्पताल यंकूगु खः ।

३०२ म्हेस्यां याःगु पीसीआर परीक्षणया रिपोर्ट थौं शुक्रवाः वःगु दु । २७ वडाया वडा दुजः नरेश महर्जनं ब्यूगु जानकारी कथं वडाया ३०२ म्ह मध्ये ३०१ म्हेसिगु रिपोर्ट नेगेटिभ वःगु दुसा छम्हेसिगु रिपोर्ट सार्वजनिक जूगु मदुनि ।

Categorized in स्थानिय-समाज