prabhu baink new

येँया मैतीदेवी देगः नःलास्वने पारुंनिसें चालीगु

नेवा: अनलाइन न्युज – ललेन्द्र शाक्य | २०७७ आश्विन २८, बुधबार ११:४९:०६

कोभिड १९ संक्रमणया जोखिमया हुनिं बन्द जुयाच्वंगु स्वनिगःया शक्तिपीठ (पीगं)त मध्येया छगू येँया मैतीदेवी देगः वइगु नःलास्वने पारु (घटस्थापना)निसें चालीगु जूगु दु ।

स्वनिगःया पीगं धकाः गुह्येश्वरी, भद्रकाली, दक्षिणकाली, शोभा भगवती, बंगलामुखी लिसें मैतीदेवी लिसेंया द्यःपिं खः धकाः सकलसिनं स्यू ।

मैतीदेवी देगः क्षेत्र प्रबन्ध समितिया छ्याञ्जे राजाराम कपालीं मोहनीया इलय् थीथी गुथ्याःपिनिगु विशेष पूजा जुइगु व जात्रा तकं पिकायेमाःगु प्रचलन दूगुलिं देगः खुल्ला यायेत्यनागु धाःगु दु ।

स्थानीय भक्तजनपिनिगु आग्रहस कातिक १ गतेनिसें आपालं भीड मजुइगु कथं देगः खुल्ला यायेगु कपालीया धापू दु । गुथ्याःपिंलिसे नं जात्रा पिकायेगु तर विशेष पूजाआजा यायेगु सहमति जुइधुंकूगु वं जानकारी ब्यूगु दु ।

तर सरकारं मेमेगु आपालं क्षेत्र खुल्ला याःसां नं शक्तिपीत चायेकेगु कि मचायेकेगु धैगु निर्णय यायेफयाच्वंगु मदुनि ।

कोभिड १९ संक्रमणया जोखिम जुइधुंकाः सरकारं देगःत बन्द याःगु खः । थ्वलिसें स्वनिगःया मू शक्तिपीठ व पशुपतिनाथ देगलय् तकं नियमित पूजाबाहेक फुक्क गतिविधि बन्द यानातःगु दु ।

Categorized in स्थानिय-समाज