zero media family planning adv

येँया मैतीदेवी क्षेत्र सिल ः कोरोना संक्रमित लुयावल !

नेवा: अनलाइन न्युज – ललेन्द्र शाक्य | २०७७ जेठ ७, बुधबार १८:१९:३६

कोरोना संक्रमित लुयावयेधुंकाः येँया मैतीदेवी क्षेत्र सिल याःगु दु । मंगलवाः कोरोना संक्रमण पुष्टि जूम्ह रामेछापया मनू च्वनाच्वंगु जूगुलिं मैतीदेवी क्षेत्र सिल याःगु खः ।

सतकय् खिपः प्यनाः कोरोना लिच्वः लाःगु क्षेत्र च्वयाः अन दुने वयेवनेगुलि प्रतिबन्ध तःगु दु । उगु क्षेत्रय् प्रहरी परिचालन याःगु दु ।

मैतीदेवी क्षेत्रय् कोरोना संक्रमित मनूया सम्पर्कय् वःपिं मनूतय्गु स्वाब मुंकेगु ज्या जुयाच्वंगु दु ।

खाँडादेवी गाउँपालिका १ या उम्ह संक्रमित मनू बैशाख ३० गते येँय् वःगु खः, वयाके कोरोना संक्रमण पुष्टि जूगु खः ।

कोरोना संक्रमित उम्ह मनूया छेँजःया ८ म्ह व लिक्क च्वंपिं सम्पर्कय् वःपिं ७ म्ह मनूतय्गु थ्रोट स्वाब मुंकाः राष्ट्रिय जनस्वास्थ्य प्रयोगशालाय् छ्वःगु दु ।

Categorized in स्थानिय-समाज