nepal investment baink

येँया भृकुटीमण्डपय् बिहिवाःनिसें घरजग्गा मेला जुइगु

नेवा: अनलाइन न्युज – ललेन्द्र शाक्य | २०८० पौष १०, मंगलबार १२:१८:५०

येँया भृकुटीमण्डपय् थ्वहे पुस १२ गतेनिसें १५ गतेतक च्याक्वःगु घरजग्गा मेला जुइगु जूगु दु ।

मेलाय् भवन व संयुक्त आवास व जग्गाया योजनाय् आवद्ध व्यवसायी, निर्माण सामग्रीया उत्पादक व विक्रेता, इन्जिनीयर व आर्किटेक्चर कन्सल्ट्याण्ट लिसें स्वदेशी व विदेशी प्रदर्शकया नापनापं बैंक व बीमा कम्पनीया तकं सहभागिता दइगु नेपाल जग्गा व आवास विकास संघया नायः विदुर धमलां धाःगु दु ।

धमलां मेलाय् फर्निचर, विद्युतीय सामग्री, सिमेन्ट, सजावटया सामान, स्टिल, न्हायकं, सिँ, ल्वहँ लिसें निर्माण सामग्री प्रदर्शनय् तइगु नं धाःगु दु ।

आःया देशया आर्थिक अवस्था छुं असहज जूसां नं क्रेता व विक्रेतादथुइ सुचं कालबिल जुइगु व जानकारी दइगु माध्यम जुइगु धमलाया धापू दु ।

हरेक नागरिकपिनिगु नितिं थ्व मेला हत्वं जाइगु जूगुलिं मेलाय् वयाः आःया घरजग्गाया कारोवारया विषयस च्यूताः तयेफइगु धमलां धाःगु दु ।

थुगु दँ २ अर्ब ५० करोड तका सिबें अप्वःया कारोवार यायेगु अपेक्षा तःगु नं धमलां धाःगु दु ।

कोरोनाया हुनिं छुं दँ थुखे दिनाच्वंगु घरजग्गा मेला न्ह्याःगुलिं थप सहजता जुइगु धमलाया विश्वास दु ।

मेलाया डेढ लख मनूतसें अवलोकन याइगु ग्वसाः खलःया दाबी दु ।

Categorized in बजाः