kmc bidya

येँया प्यूखाय् छेँ मिं नल (किपाः)

नेवा: अनलाइन न्युज | २०७७ जेठ ४, आइतबार १९:४०:०२

येँ महानगरपालिका २२ वडाया थौं जेष्ठ ४ गते आइतवाः सनिलय् प्यूखाया छखा छेँ मिं नःगु दु ।

प्यूखाया एनसेल ज्याकुथि न्ह्यःने स्थानीय बासिन्दा राजेन्द्र महर्जनया छेँ न्ह्यःने च्वंगु करेन्टया पोलं करेन्ट तार सट जुयाः मिँ च्याःगु खः ।

थथे मिँ च्याःबलय् छेँ दुनेया स्पोर्टसया हलंज्वल लिसें रेडिमेडया हलंज्वलंत क्षति जूगु खः ।

थ्यंमथ्यं लखौं तकाया हलंज्वलंत मिंपाखें च्यानाः नष्ट जूगु दु ।

थथे मिँ च्यायेधुंकाः येँ महानगरपालिकाया २२ वडाया वडाध्यक्ष चिनीकाजी महर्जन, वडादुजः अनिल हाडा, महानगरीय प्रहरी वृत्तया डिएसपी सुनिल जंग शाह, रणभैरव गणया प्रतिनिधिपिं थ्यंकूगु खःसा येँ महानगरपालिकाया दमलकपाखें मिँ नियन्त्रणय् काःगु खः ।

–विनोद तुलाधर, वडा दुजः २४ वडा येँ

Categorized in दुर्घटना-अपराध