Arin Enterprises

येँया न्हुसतकं झिगू तोला लुँ लुटपाट, पेस्तोललिसें प्यम्ह गिरफ्तार

नेवा: अनलाइन न्युज – ललेन्द्र शाक्य | २०७९ मङ्सिर ८, बिहिबार १४:४५:३९

येँया न्हूसतक (न्युरोड)पाखें प्रहरी हवल्दारया बर्दी पुनाः वःम्हपाखें झिगू तोला लुँ लुटपाट जूगु दु ।

उगु लुटपाटय् दुथ्याःगु द्वपनय् प्रहरीं सुमन राईलिसें प्यम्हेसित गिरफ्तार याःगु दु । लुटपाट द्वपनलय् लाःपिनिगुपाखें छगू थान पेस्तोल व गोली बरामद जूगु जिल्ला प्रहरी परिसर येँ स्रोतं जानकारी ब्यूगु दु ।

प्रतिनिधिसभा व प्रदेशसभा चुनाव न्ह्यः न्हूसतकय् च्वंगु लुँ दयेकेगु कारखानाय् पुलिसया युनिफर्म फिनाः पेस्तोल ज्वनाः वंपिं लुटेरापिन्सं झिगू तोला लुँ लुटेयानाः बिस्युं वंगु खः ।

जिल्ला प्रहरी परिसर येँपाखें उकिया विषयस जानकारी याकेत थौं बिहिवाः न्हिनय् पत्रकार सम्मेलन याःगु दु । प्रहरीं लुटेयायेत छ्यःगु पेस्तोल बरामद याःगु दु ।

Categorized in दुर्घटना-अपराध