nepal investment baink

येँया न्यतय् भिंतुना सनिल व सतक महोत्सव ज्याझ्वः

नेवा: अनलाइन न्युज – ललेन्द्र शाक्य | ने.सं. ११४४ सिल्लागा अस्तमि (२०८० चैत्र ४ गते) आइतवाः

येँ महानगरपालिका १८ वडाय् लाःगु न्यत त्वालय् म्हिगः शनिवाः सतक महोत्सव व भिंतुना सनिल ज्याझ्वः याःगु दु ।

१८ वडाया नायः न्हुच्छेकाजी महर्जनं तःदं न्ह्यःनिसें दँय् दसं थःगु त्वाःया संस्कृतिलिसें नेवाः नसात्वसाया म्हसीका पितब्वयेगु कथं थथे सतक महोत्सव व भिंतुना सनिल ज्याझ्वः यानाः वयाच्वंगु खः ।

शनिवाः जूगु उगु महोत्सवया ज्याझ्वलय् नेवाः तजिलजि न्ह्यब्वयेगु कथंया थीथी हलंज्वलं स्टल ब्वज्या याःगु खःसा अथेहे, नेवाः नसाघासाया नं स्टल तःगु खः ।

अथेहे, भिंतुना सनिल ज्याझ्वलय् नेपालभाषाया कलाकारपिं म्येहालामिपिन्सं थःथःगु प्रस्तुति न्ह्यब्वःगु खः ।

ज्याझ्वलय् येँ महानगरपालिकाया पुलांम्ह मेयर विद्यासुन्दर शाक्यलिसें थीथी व्यक्तिपिं उपस्थित जूगु खः ।

Categorized in कला