nepal investment baink

येँया खास्तिइ न्ह्यानाच्वंगु बसया इञ्जिन मुल, छम्ह घाःपाः जुल

नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व चतुर्थी (२०८१ असार २६ गते) बुधवाः

येँया खास्तिइ न्ह्यानाच्वंगु बसया इञ्जिन मुयाः बसय् च्वनावःम्ह छम्ह मनू घाःपाः जूगु दु ।

घाःपाः जूम्ह दोलखा छेँ जुयाः थौंकन्हय् येँया माकःबारीइ च्वनाच्वंम्ह ५४ दँया दावा लामा खः ।

प्रहरीया कथं थौं बुधवाः सुथय् खास्ति पीपलबोट सतकखण्डय् प्र. ३–०१–००५ख ९८६६ ल्याःया बाबा गोकर्णेश्वर बस न्ह्यानाच्वंगु अवस्थाय् आकाझाकां इञ्जिन मूगु खः ।

घाःपाः जूम्ह लामाया अर्थपेडिक अस्पताल नारायणटारय् वासः जुयाच्वंगु प्रहरीं जानकारी ब्यूगु दु ।

घटनाबारे थप अनुसन्धान जुयाच्वंगु प्रहरीं जानकारी ब्यूगु दु ।

Categorized in दुर्घटना-अपराध