nepal investment baink

यू–१७ मिसा साफ फुटबल कासाय् भूटानयात बुकल नेपालं

नेवा: अनलाइन न्युज – ललेन्द्र शाक्य | २०७९ चैत्र ९, बिहिबार ११:२१:०६

यू–१७ मिसा साफ च्याम्पियनसिप फुटबल कासाय् नेपालं भूटानयात ५–० गोल अन्तरं बुकल ।

बंगलादेशया ढाकाय् जूगु कासाय् नेपाःयात त्याकेत बर्षा ओली व सेनु परियारं निगू निगू गोल याःगु खःसा दीपा रोकायां छगू गोल याःगु खः ।

कासाया १६ औं मिनेटय् बर्षाया गोलपाखें नेपालं अग्रता काःगु खः । दीपा रोकायां ३० औं मिनेटय् नेपाःया अग्रता दोब्बर याःगु खः । सेनु परियारं ३४ औं मिनेटय् याःगु गोलय् नेपालं अग्रता तब्या याःगु खः ।

न्हापांगु हाफय् ३–० गोलया अग्रता दयेकूगु नेपालं निगूगु हाफय् भूटानयात निगू गोल हाकनं नकूगु खः ।

बर्षां कासाया ५० औं मिनेटय् व्यक्तिगत निगूगु व टिमया नितिं प्यंगूगु गोल यात । सोनुं ५८ औं मिनेटय् न्यागूगु गोल यासें नेपाःयात ५–० गोल अन्तरं सुनिश्चित रुपं त्याकेत ताःलाकूगु खः ।

कासाया न्हापांगु कासाय् नेपाः भारतलिसे ४–१ गोलया लिच्वलय् बूगु खः । कासाया स्वंगूगु कासाय् नेपालं रसियालिसे चैत्र १२ गते धेंधेंबल्ला याइसा लिग चरणया लिपांगु कासाय् चैत्र १४ गते घरेलु टिम बंगलादेशलिसेया सामना याइ ।

Categorized in कासा