ब्रेकिंग

  • निषेधाज्ञा ::: स्वनिगलय् श्रावण २७ गतेतक निषेधाज्ञा थप ।
zero media family planning adv

युरोकप : उत्कृष्ट युवा कासामि स्पेनया पेड्री

नेवा: अनलाइन न्युज – ललेन्द्र शाक्य | २०७८ आषाढ २८, सोमबार १५:२८:०५

स्पेनया पेड्री युरोकप २०२० या उत्कृष्ट युवा कासामि घोषित जूगु दु । स्पेनयात सेमिफाइनलतक थ्यंकेगु झ्वलय् पेड्रीं उत्कृष्ट प्रदर्शन याःगु खः ।

१८ दँया पेड्रीं युरोकप न्ह्यः सिनियर टिमय् मुक्कं प्यंगू कासा जक म्हितूगु खः । तर युरोकपय् धाःसा वं उत्कृष्ट प्रदर्शन यात ।

सेमिफाइनलय् इटलीलिसे पेनाल्टी सुटआउटय् बूसां नं पेड्रीं उत्कृष्ट कासा म्हिताः क्यंगु खः । पेड्रीं उगु कासाय् ६६ मध्ये ६५ पास पूवंकूगु खः । गुकिं यानाः पेड्रीया चर्चा आपालं जूगु खः ।

स्पानिस क्लब बार्सिलोनापाखें म्हितीम्ह पेड्री आन्द्रेज इनेएस्टासिबें बांलाः जूगु कासा लिपा प्रशिक्षक लुइस एनरिकं धाःगु खः ।

वंगु संस्करणपाखें बिइगु न्ह्याकूगु युवा कासामिया अवार्ड थ्वसिबें न्ह्यः २०१६ स पोर्चुगलया रेनाटो सान्चेजं त्याकूगु खः ।

 

Categorized in कासा